orð vikunnar // 12.-18.okt

einhver af orðunum sem ég fann í síðustu viku. 
stundum nokkur, stundum fleiri en alltaf einhver. 
 

intro: 
þótt þetta var skrifað í þessari viku þá þýðir það ekki að þetta fjalli um nútímann.
ég er alltaf að fara ofan í eitthvað, allskonar, útum allt tímalega séð. 

 

þú hefur í höndunum þínum
ósýnilegan kaðal sem er
vafinn utan um mig miðja
þú hefur svo mikil tök á líkamanum mínum
sem þú veist ekki
einu sinni af  

ég þrái þig á þann hátt
að það getur ekki talist
fallegt

hvaða tími dags hentar til að segja þér að 
ég vilji aldrei giftast þér?

hvernig veit ég hvort ég sé að
hamra í þig stálið eða brjóta þig
í mola?

þú ert sólin
en samt í
svarthvítu

hlakka til að deila með þér fleiri orðum í næstu viku.