orð vikunnar // 30.nóv-6.des

einhver af orðunum sem ég fann í síðustu viku. 
stundum nokkur, stundum fleiri en alltaf einhver. 
 

 

veit aldrei hvað verður 
en ég er virkilega þakklát
fyrir allt sem er núna

hjartað mitt
er fast af ástæðu
það er ekki hannað
til að vera rifið út
annað slagið

ég mun sannfæra þig
um að ég sé allt
sem þig dreymir um
þangað til að ég þekki
mig ekki lengur

get ekki verið það sem
þú þarft þegar þú ert ekki
það sem ég þarf


 

hvar get ég lagt inn
smá auka ást sem ég
væri til í að taka út seinna?

líkaminn minn
elskar líkamann þinn
fastar en ég ræð
líkamlega við

 



hlakka til að deila með þér fleiri orðum í næstu viku.